Facet MMC haqqında

”FACET” MMC şirkəti, 2005-ci ildə Azərbaycanda gündən günə böyüyən və inkişaf edən tibb sektorunda istehlakçıların məhsul və xidmət ehtiyaclarını tək nöqtədən qarşılaya biləcəkləri bir mərkəz olmaq hədəfi ilə uzun müddət bazarda olan təcrübəli bir heyət tərəfindən qurulmuşdur.

Təcrübəyə əsaslanan aktiv fəaliyyəti nəticəsində bazarda özünə layiqli mövqe qazanan ”FACET” MMC, təqdim etdiyi keyfiyyətli və müştəri tələblərinə uyğun məhsulları ilə sektorda qısa zamanda etibarlı tərəfdaş kimi özünü doğrultmuşdur.

Distribütorluq

Şirkətimiz, əsas profil kimi öz fəaliyyət sahəsində olan marka və məhsullarda uzun müddətli distribütorluq və nümayəndəlik əsasında fəaliyyət göstərir. ABŞ, Türkiyə, Fransa, Almaniya, Portuqaliya, İtaliya, Latviya, İsveç, Cənubi Koreya, Misir və bir çox xarici ölkələrin iri şirkətləri ilə uzun müddətli və səmərəli distribütorluğu və nümayəndəliyi davam etdirir.

Müştəri portfoliosunu günü-gündən artıran şirkətimiz hal-hazırda 500-dən çox xəstəxana və klinikalarla əməkdaşlıq edir.

Fəaliyyətlər

”Facet” MMC tibbi ləvazimatların və məhsullarının satışını həyata keçirməklə yanaşı dövlət və özəl tibb müəssisələrində satışını həyata keçirdiyi məhsulların mahiyyəti və əhəmiyyəti, tibb müsəssisələrində uyğun tibbi məhsul seçiminin edilməsi, bu sahədə müasir üsulların tətbiq edilməsi və portfoliosunda olan bir sıra digər məhsul və mövzularla bağlı mütəmadi olaraq təlim və seminarlar keçirməkdədir.

Şirkətimiz, neft və tikinti sektorunun əsas tibbi ehtiyacı olan ilkin tibbi yardım sahəsində dünya miqyaslı neft və tikinti şirkətləriylə uzun illərdir uğurla fəaliyyətini davam etdirmiş, bu sahədə akreditasiyadan keçmiş tədarükçü (EDTP) sertifikatına və eləcə də “Dərman vasitələrinin pərakəndə və topdansatışını” həyata keçirməyə icazə verən lisenziyaya sahibdir.

Dəyərlərimiz

Dürüstlük, şuarımızdır.
Üstün iş əxlaqı və dürüst iş prinsipləri ilə işləmək ən mühüm xüsusiyyətimiz və şuarımızdır.

Güvən, təminatımızdır.
Bizim üçün müştərilərimiz, tədarükçülərimiz və əməkdaşlarımız arasındakı qarışılıqlı güvən əsas vacib amildir və ən böyük təminatdır.

Keyfiyyət, işimiz və təklifimizdir.
Müştəri məmnuniyyətini təmin etmək üçün təklif olunacaq mallar və xidmətlər keyfiyyətli, qiymətlər münasib və təslimat vaxtında olmalıdır.

Peşəkarlıq, sərmayəmizdir.
Ən önəmli sərmayəmiz, öz işində peşəkar kadrlarımızdır.

Hədəfimiz, sizinlə bərabər olmaqdır.
İnkişaf edərək müştərilərimiz üçün əvəzedilməz olmaqdır.